Workshop Focus-stacking - REPORTÉIERT

De Workshop ass reportéiert! - Een neien Datum gëtt festgeluecht, wann déi aktuell Corona-Kris sech berouegt huet.

Mir bauen am Studio eng kleng Szen op a weisen, wéi sech am No- a Macroberäich d'Déifteschäerft mat der Blenn verännert a wat e ka maachen, fir de Beräich, wou d'Schäerft läit, je no Bildkompositioun, duerch Focus-stacking unzepassen.

Focus-stacking ass am Prinzip eng Serie vu Fotoen ze maachen, wou een de Focuspunkt vu Foto zu Foto verréckelt an dann dës Fotoen am Photoshop zu enger Foto zesummesetzt.

Nodems mer dës Technik am Studio probéiert hunn, gi mer an der zweeter Halschend vum Mount Abrëll (Datum hängt vum Wieder of a gëtt kuerzfristeg matgedeelt) eraus "an d'Natur" a probéieren dës Technik och hei gezielt anzesetzen.