Informatiounen iwwer de Club

D'Walfer Foto-Frënn (W.F.F.) sinn 1984 als a.s.b.l. gegrënnt ginn a si vun Ufank u bei der Fédération Luxembourgeoise de la Photographie Artistique (FLPA) affiliéiert.

De Club huet säin eegent Lokal mat Fotostudio, diversen Hannergrënn, enger professioneller Blëtzanlag an engem héichwäertege Beamer mat Projektiounsleinwand.

D'Memberen treffe sech 2x de Mount am Clublokal. An der Regel ass dat den éischte Méindeg an den drëtte Mëttwoch vun all Mount.

Niewt dëse Versammlungen (an deels och amplaz vun däer enger oder aner Versammlung) bidde mer nach vill aner Aktivitéiten un, 

wéi z.B. thematësch Sortien a Reesen, Workshopen, Fotoshootingen, Fotoanalysen, Projektiounen, Fotosausstellungen ... awer och méi convivial Saachen wéi z.B. e Mid-Season BBQ am Juli oder e Keelenowend am Hierscht.

De Programm gëtt op der Websäit vum Club publizéiert an d’Membere gi regelméisseg per InfoMail informéiert.

Ausserdem däerf (ënner bestëmmte Konditiounen) all aktive Member de Studio fir seng eegen Aarbechte benotzen a kann och Material (Blëtzer, Liichtformer asw.) vum Club geléint kréien.