Du wëlls Member ginn ?

Da komm an eng vun de Versammlungen a kuck der d'Saach un oder kontaktéier  eis a mir soen der gären, wéi de Club fonktionnéiert.

Wann dat dech iwwerzeecht, fëll de Formulaire hei drënner aus a schéck e fort.

Wichteg ass, datt s de doranner bestätegs, datt s de d'Statute vum Club an dat Internt Clubreglement gelies hues an akzeptéiers!

 Ausserdem kanns de eis deng fotografësch Kenntnisser ("Ufänger" bis "Profi") an däi Foto-Equipment (Handy, Kompaktkamera, Spiggelreflex / Hybridkamera ...) matdeelen.

De Comité decidéiert dann iwwer deng Demande an deelt der seng Decisioun esou séier wéi méigelech mat. 

Wann deng Demande vum Comité ugeholl gouf, kanns de de Bäitrag vun 30€ fir d'Memberskaart op ee vun eise Konten iwwerweisen (Mentioun: Memberskaart - membre actif). Zanter 2024 iwwerhëllt de Club d'Käschte fir d'FLPA-Lizenz a freet och automatësch eng fir all neie Member un, ausser du sees eis ausdrécklech, datt s de keng Lizenz wëlls.

Wichteg: Mam Bezuelen vun der jährlecher Kotisatioun (Memberskaart) gëss de dem Club däin Accord, datt deng perséinlech Daten gespäichert a fir déi intern Organisatioun vum Club gebraucht ginn. Dozou gehéiert och, datt s de d'accord bass, Info-Mailen iwwer d'Clubaktivitéiten ze kréien. Dës Info-Mailen kanns de awer jidderzäit per E-Mail ofbestellen!

Ausser den Info-Mailen verschéckt de Club keng Zort vu Publicitéit u seng Memberen a gëtt och keng perséinlech Daten vu senge Memberen ënner iergendenger Form weider.

Dateschutz:.

Är perséinlech Informatiounen ginn an enger Online Datebank gespäichert (Clubdesk) an sinn nëmmen de Memberen aus dem Verwaltungsrot zougänglech.  Si ginn net un aner Persounen oder Organisatiounen weider geleet. Just am Fall wou eng Lizenz bei der FLPA (Federatioun) ugefrot gëtt, ginn dës perséinlech Informatiounen der FLPA matgedeelt.

Confirméiert w.e.g. am Formulaire mat engem Klick dass dir dat heiten gelies hutt.